S'è vo vi truvate in un pub di Belfast o di Londra è ch'è vo vulete evità ch'elli vi rompinu dece bichjeri di « pint » in capu, ùn cummandate micca l'imbuleghju chì vene. L'« Irish Car Bomb » - o pacchettu per plasticà a vittura – hè un cocktail chì face riferenza à un usu di predilezzione di l'IRA pè a guerilla durante u cunflittu nord-irlandese. I car bombs anu fattu frà altru 11 vittime in Claudy è Dublinu in u 1972, l'annu di u Bloody Sunday.
Bella sigura, in Grande Brittania, dumandà una bomba à u bancone pare risicatu, hè pussibule chì u servore sia ligatu à una di e 1800 vittime di i rivuluziunarii irlandesi. Invece, s'è vo site in casa vostra, in un bar di Bastia, Aiacciu o Ecchisi, chì a magagna « azeza nera » è una pena in capu da crepà u lindumane ùn vi facenu paura, eccu a sosula :
- Servitevi una meza di Guinness o un'altru stout, in un stagnone (bichjeru à « demi »)
- Preparate dui shots : unu di whisky (Jameson, s'è vo vulete fà e cose bè) è unu di Baileys.
- Lampate u vostru shot di Baileys in a Guinness è dopu mettite u shot di whisky in u bichjeru à Guiness. In furia, lampate un ochju inchietu à u shot chì sbattuleghja in a biera è sciaccatevilu cul-sec. S'è vo aspettate troppu, u Baileys si sterà in fondu è risicheghja d'affugavvi durante l'ingollu. Evitate dinù d'ingolle u shot, blucchendulu cù i vostri denti.
S'è vo seguitate a vera sosula originale, ci vole à aghjunghje Kahlua à u Baileys. Ma hè più difficiule di truvanne, è ùn hè veramente necessariu. Di fatti, una dosa d'Irish Car Bomb duveria più ch'è lancià a vostra serata. S'è vo vi ne sciaccate quattru, ùn vi scurderete micca solu di a scunfitta di l'Irlanda, ma sminticherete dinù chì Brandao è Raspentino ghjocanu sempre à u Sporting è chì Emile Zuccarelli hè statu un ghjornu merre di Bastia. S'è vo ne biite di più, risicate di scurdavvi dinù di u nome di i vostri genitori.
Ma l'Irish Car Bomb ùn hè stata inventata da i cerbelli i più storti d'Irlanda una sera tardi in un pub di Derry. Una guerra d'indipendenza, hè un affare seriu, è ridesine di i morti, ùn si face. Di fatti, hè à i Stati Uniti chì u cocktail hè natu.
- Servitevi una meza di Guinness o un'altru stout, in un stagnone (bichjeru à « demi »)
- Preparate dui shots : unu di whisky (Jameson, s'è vo vulete fà e cose bè) è unu di Baileys.
- Lampate u vostru shot di Baileys in a Guinness è dopu mettite u shot di whisky in u bichjeru à Guiness. In furia, lampate un ochju inchietu à u shot chì sbattuleghja in a biera è sciaccatevilu cul-sec. S'è vo aspettate troppu, u Baileys si sterà in fondu è risicheghja d'affugavvi durante l'ingollu. Evitate dinù d'ingolle u shot, blucchendulu cù i vostri denti.
S'è vo seguitate a vera sosula originale, ci vole à aghjunghje Kahlua à u Baileys. Ma hè più difficiule di truvanne, è ùn hè veramente necessariu. Di fatti, una dosa d'Irish Car Bomb duveria più ch'è lancià a vostra serata. S'è vo vi ne sciaccate quattru, ùn vi scurderete micca solu di a scunfitta di l'Irlanda, ma sminticherete dinù chì Brandao è Raspentino ghjocanu sempre à u Sporting è chì Emile Zuccarelli hè statu un ghjornu merre di Bastia. S'è vo ne biite di più, risicate di scurdavvi dinù di u nome di i vostri genitori.
Ma l'Irish Car Bomb ùn hè stata inventata da i cerbelli i più storti d'Irlanda una sera tardi in un pub di Derry. Una guerra d'indipendenza, hè un affare seriu, è ridesine di i morti, ùn si face. Di fatti, hè à i Stati Uniti chì u cocktail hè natu.
« Hè ghjunta l'IRA »
In u 1977, Charles B. Oat, barman à u Wilson’s Saloon, in a cità di Norwich, Connecticut inventa una prima versione. A sera di a Saint Patrick, Oat è i so fratelli s'imbriacanu à colpi di Grandfathers, un shot fattu di Baileys è di Kahlua. In sborgna, realizeghja ch'ellu manca qualcosa à a serata : una buttiglia di Jameson, cum'è spessu. Lampendu u whisky in i shots di Bailey’s è di Kahlua, mughja : « Hè ghjunta l'IRA. Duveria andà cusì ! » A clientela si spanza è cummanda à pacchettu « IRA shots ».
Ma ci vulerà à aspettà dui anni per chì a nascita di a versione definitiva di l'Irish Car Bomb. Nant'à u situ Bar None Drinks, Oat spiega u colpu di geniu – di quelli chì ùn ghjunghjenu ch'è briachi merzi- à l'origine di u so capu d'opera :
« Biiamu IRAs è Guinness cù u mo manager è m'hè venuta l'idea scema di mette u shot d'IRA in a mo Guinness à metà viota. U so sguardu dicia tuttu è aghju sciaccatu « e bombe sò lampate ! ». L'avemu chjamatu Belfast Carbomb, Irish Car Bomb ou Carbomb, dipendia cun qual'è no eramu. »
Ma ci vulerà à aspettà dui anni per chì a nascita di a versione definitiva di l'Irish Car Bomb. Nant'à u situ Bar None Drinks, Oat spiega u colpu di geniu – di quelli chì ùn ghjunghjenu ch'è briachi merzi- à l'origine di u so capu d'opera :
« Biiamu IRAs è Guinness cù u mo manager è m'hè venuta l'idea scema di mette u shot d'IRA in a mo Guinness à metà viota. U so sguardu dicia tuttu è aghju sciaccatu « e bombe sò lampate ! ». L'avemu chjamatu Belfast Carbomb, Irish Car Bomb ou Carbomb, dipendia cun qual'è no eramu. »
Oghje insignante à a Connecticut School of Baretending, Oat hè ben intesa fieru di a so creazione, spartuta dopu in l'America sana per via di i suldati di a NAVY avvezzi di u so saloon. Invece, prevene : « S'è vo inventate una bivenda, fate casu ! Ùn pudete sapè s'ella hà da diventà pupulare o nò, allora fate attenzione quand'è vo sceglierete un nome. L'IRA è e Carbombs sò cools in i bars, ma micca in a vera vita ! »
Allora iè, ùn hè micca assai Charlie, è micca veramente rispettosu di sciaccassi un Irish Car Bomb. À voi di vede sì u vostru sensu di a festa hè più o menu forte ch'è a vostra murale.
À u peghju, perchè micca inventà un cocktail Notte Turchina ? Cù appena di limone sprimutu, menta è curaçao, duveria falà solu solu, nò ?
Allora iè, ùn hè micca assai Charlie, è micca veramente rispettosu di sciaccassi un Irish Car Bomb. À voi di vede sì u vostru sensu di a festa hè più o menu forte ch'è a vostra murale.
À u peghju, perchè micca inventà un cocktail Notte Turchina ? Cù appena di limone sprimutu, menta è curaçao, duveria falà solu solu, nò ?
A Corsica dice à vedeci à Edmond
